خشتەی بودجە بۆ پەسەندکردن ئاراستەی سەرۆکایەتیی کۆمار کرا

ئاڤا نیوز

 

ئەمینداریەتیی ئەنجوومەنی نوێنەرانی عێراق خشتەکانی بودجەی ساڵی 2024ـی ئاراستەی سەرۆکایەتیی کۆمار کرد بۆ پەسەندکردنی.

 

وێنە گەورەکە: پەرلەمانی عێراق ڕۆژی 3-6-2024 دوای گۆڕانکاری و گواستنەوەی دوو تریلیۆن دینار لە بودجەی وەزارەتەکانەوە بۆ پارێزگاکان، دەنگی لەسەر خشتەكانی بودجەی گشتی ساڵی 2024 دا. 

 

نووسراوی فەرمی: بەپێی نووسراوێکی ئەمینداریەتیی گشتی کە ئاراستەی سەرۆککۆمار کراوە، تێیدا هاتووە: بڕیاری ژمارە 64ـی ساڵی 2024ـتان بۆ ڕەوانە دەکەین کە لە دانیشتنی ژمارە 27 لە ڕۆژی 3-6-2024 دەنگی لەسەر درا.

 

ئەوەی پێویستە بیزانیت: بودجەى عێراق زیاتر لە 211 تریلیۆن دینارە و 20.9 تریلیۆن دینارى پشکى هەرێمى کوردستانە بۆ ساڵێک، کە نۆ تریلیۆن و 55 ملیار دینارى بۆ مووچەیە.