چین زیاتر لە 330 قوتابخانە لە عێراق دروست دەكات

ئاڤا نیوز

كۆمپانیا چینییەكان زیاتر لە 330 قوتابخانەیان لە پارێزگاكانی عێراق دروستكردووە، بڕیارە تا كۆتایی ئەمساڵ ئەو ژمارەیە بگاتە هەزار قوتابخانە.

وێنە گەورەكە: حكومەتی عێراق ڕێكەوتنی لەگەڵ هەردوو كۆمپانیای "پاوەرچاینا" و "سینۆتك"ی چینی واژۆ كردووە بۆ دروستكردنی هەزار قوتابخانە لە سەرجەم پارێزگاكانی عێراق.

لێدوانی فەرمی: حەیدەر مەجید، گوتەبێژی ئەمینداریەتی گشتیی ئەنجوومەنی وەزیرانی عێراق ڕایگەیاند: 331 قوتابخانە لە بەغدا و پارێزگاكان تەواو كراون، لە 12، 18، و 24 پۆل پێكدێن.

زانیاریی زیاتر: "تا كۆتایی ئەم مانگە ئەو قوتابخانەی تەواو دەكرێن دەگاتە 450 قوتابخانە و لە كۆتایی مانگی تشرینی دووەم هەزار قوتابخانەمان ڕادەست دەكرێت". حەیدەر مەجید، ئەوەشی گوت.

بۆچی گرنگە: عێراق پێویستیی بە 12 هەزار قوتابخانە هەیە بۆ پڕكردنەوەی پێداویستیی كەرتی پەروەردە لە گشت پارێزگاكان.