بەرپرسێکی سەر بە هاوپەیمانیی عەزم دەچێتە پاڵ حەلبووسی

ئاڤا نیوز

 

ئەندامێکی ئەنجوومەنی پارێزگای بەغدا لە هاوپەیمانیی عەزم دەچێتە ناو ڕیزەکانی پارتی تەقەدووم کە محەممەد حەلبووسی سەرۆکایەتی دەکات.

 

ڕاگەێینراوی فەرمی: ڕەنا جبووری، ئەندامی ئەنجوومەنی پارێزگای بەغدا ڕایگەیاند، "دوای گفتوگۆی زۆر و لە پێناو جێبەجێکردنی پرۆژەکەی سەرۆک محەممەد حەلبووسی، بڕیارمدا بچمە ڕیزی پارتی تەقەدووم و فراکسیۆنەکەی لە ئەنجوومەنی پارێزگای بەغدا".

 

لەلایەکی دیکە: هەفتەی ڕابردوو، هەردوو پەرلەمانتاری عێراق فەلاح زێدان و یوسف سیباعی، دوای جیابوونەوەیان لە پارتی تەقەدووم لە ساڵی ڕابردوو، جارێکی دیکە گەڕانەوە ڕێزەکانی پارتەکە، هەروەها مەروان زێدان کە برای فەلاح زێدانە و ئەندامی ئەنجوومەنی پارێزگای موسڵە، چووە ڕیزەکانی تەقەدووم.

 

ئەوەی پێویستە بیزانیت: سەرەتای ئەم مانگە، 11 پەرلەمانتار و ئەندامی ئه‌نجوومه‌نی پارێزگاکان، له‌ پارته‌که‌ی حه‌لبووسی جیابوونەوە و 'هاوپەیمانیی موبادەرە'یان دامەزراند.

 

باکگراوند: لە هەڵبژاردنی ئەنجوومەنی پارێزگاکان، پارتی تەقەدووم زۆرترین ڕێژەی دەنگی لە ئەنجوومەنی پارێزگای بەغدا بەدەستهێنا، لە کۆی 58 کورسی ئەنجوومەنی پارێزگاکە، 9 کورسیی بردەوە.