شیعە و سوننە جەژنی ڕەمەزان بەیەکەوە و جەژنی قوربان بەجیا دەکەن

ئاڤا نیوز 

 

لای پەیڕەوکارانی شیعە مەزهەب، ئەمڕۆ دووشەممە 17-06-2024 یەکەم ڕۆژی جەژنی قوربانە، لەکاتێکدا دوێنێ یەکشەممە 16-06-2024 یەکەم ڕۆژی جەژنی قوربان بوو لە وڵاتانی سوننە مەزهەب.

 

وێنە گەورەکە: دوای چەندین ساڵ ناکۆکی و جیاوازی لە دیاریکردنی ڕۆژی جەژنی ڕەمەزان و قوربان، پەیڕەوکارانی هەردوو مەزهەبی شیعە و سوننە جەژنی ڕەمەزانی ئەمساڵیان لەیەک ڕۆژدا کرد بە جەژن، بەڵام بۆ جەژنی قوربان دیسان جیاوازی لە دیاریکردنی ڕۆژی جەژن ڕووی داوە.

 

چی ڕوودەدات: بەرەبەیانی ئەمڕۆ دووشەممە، هەزاران نوێژخوێن لە مزگەوتی کەربەلا، نزیک مەزاری ئیمام حوسێن نوێژی جەژنیان کرد و لە شارەکانی خوارووی عێراق یەکەم ڕۆژی جەژن پیرۆز کرا.

 

ئەوەی پێویستە بیزانیت: ڕۆژی 07-06-2024 نووسینگەی عەلی سیستانی، مەرجەعی باڵای شیعەکان لە عێراق ڕایگەیاند، ڕۆژی 17-06 یەکەم ڕۆژی جەژنی قوربانە، لەکاتێکدا کە دادگەی باڵای سعودیە ڕۆژی 16-06ـی وەک یەکەم ڕۆژی جەژنی قوربان دیاری کرد.