لە ڕۆژئاوای ئەمریکا  گەرما بووەتە هۆی چەندین ڕووداوی ئاگرکەوتنەوە

ئاڤا نیوز

ژمارەیەک ڕووداوی ئاگرکەوتنەوە لە ئەمریکا ڕوویانداوە، بە هۆیانەوە هەزاران کەس ناچار بوون ماڵەکانی خۆیان بەجێ بهێڵن. 

وێنە گەورەکە: نزیکەی 20 ڕووداوی ئاگرکەوتنەوە لە ویلایەتەکانی ڕۆژئاوای ئەمریکا ڕوویانداوە. بەرزی پلەکانی گەرما هۆکاری کەوتنەوە و ڕەشەبا هۆکاری بڵاوبوونەوەی ئاگرەکانە. 

زانیاریی زیاتر: دامەزراوەی نیشتیمانیی کەشوهەوا هۆشداری داوە لەوەی لەو ناوچانە "ڕێژەی شێی نزم، با گەرم و کەشوهەوا ناسەقامگیر" بەردەوام دەبێت. 

ئەوەی پێویستە بیزانیت: ئاگرکەوتنەوەکان لە ویلایەتەکانی کالیفۆرنیا، ئاریزۆنا، واشنتن، کۆلۆڕادۆ، ئۆریگن، یوتا ڕوویانداوە و ژمارەیەکیان هێشتا نەکوژاونەتەوە.