گرووپێکی کوردی لە فێستیڤاڵێکی نێونەتەوەیی بەشداری دەکەن

ئاڤا نیوز

گرووپێکی کوردی بەناوی "دەهۆڵ" لە فێستیڤاڵێکی نێودەوڵەتی بەناوی کوردەوە بەشداری دەکەن، لەو فێستیڤاڵەدا 10 نەتەوەی جیاواز بەشداربوون.

وێنە گەورەکە: 15ی حوزەیران لە شاری  بێرمنگهامی بەریتانیا فێستیڤاڵی هەفتەی پەنابەران  بەڕێوەچوو، گرووپی دەهۆڵ یەکێک بوون لە بەشداربووانی فێستیڤاڵەکە بە جل و بەرگی کوردییەوە. 

لێدوانی فەرمی: زیرەک ژێدار، سەرپەرشتیاری گرووپەکە بە ئاڤانیوزی گوت: ئەندامانی گرووپی دەهۆڵ بە جل و بەرگی کوردییەوە بەشداریمان کرد لە فێستیڤاڵەکە و بە ژەنینی بەرهەمە کوردییەکان توانیمان جۆش و خرۆش بخەینە ناو ئامادەبووانەوە. 

زانیاریی زیاتر: دەهۆڵ توانیویەتی ببێتە باڵیۆزێکی باشی ڕەوەندی کوردی لە بەریتانیا و تاوەکو ئێستا لە رێگەی ئەم رێکخراوەوە خەڵکانێکی زۆر لە نەتەوە جیاوازەکان ئاشنایەتییان لەگەڵ کوردستان و کولتوورەکەی پەیداکردووە.

باكگراوند: گروپی دەهۆڵ لە ساڵی 2004 لەسەر دەستی زیرەک ژێدار دامەزراوە و لە پێنج ئەندام پێکدێن.

ئەوەی پێویستە بیزانیت: ئامانجی گرووپەکە کۆکردنەوەی هونەرمەندانی کوردە لە بەریتانیا و نمایش کردنی کولتووری کوردەوارییە لە فێستیڤاڵەکاندا.