40 کورد لە نێو بەلەمە ژێرئاوکەوتووەکەی ئیتاڵیا بوون

ئاڤا نیوز

بەهۆی ژێرئاوکەوتنی بەلەمێکی گواستەوەی کۆچبەران لە کەناراوەکانی ئیتاڵیا، 40 کۆچبەری کورد بێسەر و شوێن بوون، 20 کەسیان خەڵكی هەرێمی کوردستانن.

چیرۆکی سەرەکی: بەرواری 09-06-2024 بەلەمێک بە کۆمەڵێک کۆچبەر لە بۆدروومی تورکیا بەرەو ئیتاڵیا دەکەوێتەڕێ، کۆچبەری شارەکانی هەرێمی کوردستان، ڕۆژهەڵات کوردستان و ئەفغانی لەسەربوون، لە کەناراوەکانی ئیتاڵیا ژێر ئاو دەکەوێت و  زیاتر لە 60 کۆچبەر بێسەروشوێن بوون.

لێدوانی فەرمی: دەشتی جەمال، سکرتێری فیدراسیۆنی پەنابەرانی عێراق بە ئاڤا نیوزی گوت: "لەوانەی بێسەر و شوێن بوون 40 یان کوردن  18 یان خەڵکی سلێمانی و ڕانیەن، ئەوانی دیکە خەڵکی ڕۆژهەڵاتی کوردستانن".

زانیاریی زیاتر: تاوەکو ئێستا 12 تەرم دۆزراونەتەوە، ئەوانەی دیکە بێسەر و شوێنن و گەڕان بەدوای ئەوانی دیکە بەردەوامە.

وێنە گەورەکە: ساڵانە بە دەیان هەزار کۆچبەر ڕێگەی ئاوی بەکاردەهێنن بۆ گەیشتن بە وڵاتانی ئەوروپا، بەوهۆیەشەوە سەدان کۆچبەر بەهۆی ژێرئاوکەوتنی بەلەمەکانیان گیان لەدەست دەدەن یاخود بێسەروشوێن دەبن.