بێژەن جەزا بەشداریی فێستیڤاڵی شانۆی کوردی لە ئەڵمانیا دەکات

ئاڤا نیوز

بێژەن جەزا لە فێستیڤاڵی دیمانەی شانۆی کوردی لە ئەڵمانیا بەشداری  دەکات، لە فێستیڤاڵەکەدا ئەو بەرهەمانەی پێشکەشی دەکات بەرهەمی ناوچەجیاوازەکانی کوردستانە.

ئەوەی پێویستە بیزانیت: لە ڕێکەوتی 28 هەتا 30ی مانگی حوزەیران دووهەمین فێستیڤاڵی دیمانەی شانۆی کوردی لە شاری هالەی ئەڵمانیا بە ئامادەبوونی چەندین هونەرمەندی کورد بەڕێوەدەچێت.

لێدوانی تایبەت: هونەرمەند بێژەن جەزا، بۆ ئاڤانیوز گوتی: خۆشحاڵم وەک  هونەرمەندی گۆرانیبێژ و شارەزای بواری مقامات لە فێستیڤاڵەکەدا بەشداری دەکەم، بۆ زیاتر ناساندنی کولتووری کوردەواری بەو ئامادەبووانەی لە فێستیڤاڵەکەدان چەند بەرهەمێکی جیاوازی ناوچەکانی کوردستان  پێشکەش دەکەم.

زانیاریی زیاتر: دوای دابڕانێکی زۆر لە تۆمارکردنی بەرهەمی نوێ،  لە پلانمدا هەیە لە ماوەی داهاتوودا چەند بەرهەمێک تۆمار بکەم و بڵاوی بکەمەوە. بێژەن وای گوت.