خەڵاتی باشترین نێردە لە سعودیە بە عێراق درا

ئاڤا نیوز

 

بۆ ساڵی دووەم لەسەر یەک، نێردەی حەجی عێراق خەڵاتی گەورەی "لبيتم"ـی وەک بەرزترین ڕیزبەندی نێردەی حەجی ئیسلامی بەدەستهێنا، بەپێی ئەو ستاندارد و تایبەتمەندییانەی کە بۆ ساڵی 1445ـی کۆچی دانراون.

 

ڕاگەیێنراوی فەرمی: نێردەی حەجی عێراق ڕایگەیاند: تۆفیق محەممەد ڕەبیعە، وەزیری حەج و عومرەی سعودیە خەڵاتی گەورەی "لبيتم"ـی وەک باشترین ئەرک بە بەرزترین ڕێژە لە ستانداردەکاندا ڕادەستی شێخ سامی مەسعودی، سەرۆکی نێردەی حەجی عێراق کرد.

 

زانیاریی زیاتر: وەرگرتنی خەڵاتەکە لەلایەن عێراقەوە بەگوێرەی ئەو ژمارە و ستانداردانە بووە کە لەلایەن وەزارەتی حەج و عومرەی سعودیەوە بۆ سەرجەم شاندەکانی حەجی ئیسلامی بۆ وەرزی ئێستای حەج پەسەند کراوە.

 

ئەمەش بزانە: 3-12-2023، وەزارەتی حەج و عومرەی سعودیە خەڵاتی "لبيتم" و "مبدعون"ـی دانا، بە ئامانجی هاندانی لایەن و تاکەکان بۆ پێشکەشکردنی باشترین خزمەتگوزاری بۆ میوانانی ماڵی خوا.