چارەنووسی بەشێکی شوێنبزربووانی حەج ئاشکرا دەکرێت

ئاڤا نیوز

 

وەزارەتی ئەوقاف بەشێکی ئەو حاجییانەی دۆزیەوە کە لە حەج بێسەرووشوێن بوون.

 

وێنە گەورەکە: بەگوێرەی ئەو ئامارانەی دەست ئاڤا نیوز کەوتوون، لانیکەم 16 هاونیشتیمانیی هەرێمی کوردستان لە سعوودیە گیانیان لەدەستداوە و نزیکەی 20 کەسیش شوێنبزربوون.

 

ڕاگەیێنراوی فەرمی: وەزارەتی ئەوقاف و کاروباری ئایینیی هەرێمی کوردستان وێنەی ئەو حاجییانەی بڵاوکردەوە کە تیمەکانیان توانیویانە بیاندۆزنەوە.

 

لەلایەکی دیکەوە: دوێنێ وەزارەتەکە بڵاویکردەوە، لەگەڵ کونسوڵی عێراق لە سعوودیه، ڕێککەوتنیان هەیە بۆ دۆزینەوەی ئەو حاجییە شوێنبزربووانەی بە نایاسایی گەشتی سعوودیەیان ئەنجام داوە. 

 

ئەمەش بزانە: چوار هەزار و 685 هاونیشتیمانیی هەرێمی کوردستان بەیاسایی گەشتی سعوودیەیان ئەنجام داوە، 15 هەزاری دیکەش بە نایاسایی.