بە تۆمەتی ئەندامبوون لە ڕیزەکانی "داعش" عێراقییەک لە ئەڵمانیا دەستگیر دەکرێت

ئاڤا نیوز 

 

نووسینگەی داواکاری گشتیی فیدراڵی لە شاری کارلسروهی ئەڵمانیا، دەستگیرکردنی هاووڵاتییەکی عێراقی ڕاگەیاند کە گومانی ئەوەی لێدەکرێت سەر بە داعش بێت.

 

وێنە گەورەکە: دوای شکستپێهێنان بە ڕێکخراوی داعش لە شارەکانی عێراق و بە دیاریکراوییش لە ساڵی 2017 لە دوای کۆنترۆڵکردنەوەی شاری مووسڵ، بەشێکی زۆری چەکدارانی داعش ئەوانەی ڕزگاریان بوو، بەرەو وڵاتانی ئەوروپا ڕایان کرد.

 

ڕاگەیێنراوی فەرمی: هێزە ئەمنییەکانی ئەڵمانیا لە بادن-ڤورتمبێرگ عێراقییەکیان دەستگیر کردووە، کە گومانی ئەوەی لێدەکرێت ئەندامی داعش بێت لە ئەڵمانیا.

 

زانیاریی زیاتر: ئەو عێراقییە لە مانگی تشرینی یەکەمی ساڵی 2022 هاتووەتە ئەڵمانیا و گومانی زۆری لێدەکرێت سەر بە ڕێکخراوێکی تیرۆریستی بێت لە دەرەوەی وڵات، تۆمەتبارە بەوەی لە دوایین جاردا لە مانگی ئایاری 2016 پەیوەندی بە داعشەوە کردووە و هەروەها لە ڕیزەکانی ئەو ڕێکخراوەدا شەڕی کردووە.