ڕۆمانیا سیستەمی مووشەکی پاتریۆت بۆ ئۆکراینا دەنێرێت

ئاڤان نیوز


ڕۆمانیا کە وڵاتێکی ئەندامی ناتۆیە، بە کردار پشتیوانی خۆی بۆ ئۆکراینا ڕادەگەیێنێت و بڕیار دەدات سیستەمی مووشەکی پاتریۆت بۆ ئۆكراینا بنێرێت. 

وێنە گەورەکە: شەڕی ئۆکراینا و ڕووسیا کە سێ ساڵە بەردەوامە، وڵاتانی بۆ دوو بەرە دابەش کردووە، بەشێکیان پشتیوانی لە ڕووسیا دەکەن، بەشێکی دیکەیان هەوڵ دەدەن هاوکاری سەربازی بۆ ئۆکراینا بنێرن بۆ ئەوەی شەڕی ڕووسیای پێکات.

بۆچی گرنگە: لەکاتێکدا ئۆکراینا لە دۆخێکی سەربازی سەخت دایە، ئەم هاوکارییە سەربازییە وادەگات بەرگەی  زیاتری هێرشەکانی ڕووسیا بگرێت.

لێدوانی فەرمی: ئەنجوومەنی باڵای بەرگریی نیشتیمانی ڕۆمانیا ڕایگەیاندووە، بە لەبەرچاوگرتنی دۆخی خراپی سەربازی لە ئۆکراینا، ئەندامانی ئەنجوومەن بە هاوبەشی لەگەڵ وڵاتانی هاوپەیمان، بڕیاریان دا سیستمی مووشەکی پاتریۆت پێشکەش بە ئۆکراینا بکەن.