دوای کۆریای باکوور پووتین سەردانی ڤێتنام دەکات

ئاڤا نیوز

ڕووسیا و ڤێتنام بەڵێنی پتەوکردنی پەیوەندییەکانیان لە بوارەکانی بەرگری و ئاسایش و چۆنیەتی مامەڵەکردن لەگەڵ ئاڵنگارییە ئەمنییەکان دەدەن.

وێنە گەورەکە: ڤلادمیر پووتین، سەرۆکی ڕووسیا  لە چوارچێوەی سەردانەکەیدا بۆ وڵاتان، پێش ڤێتنام سەردانی کۆریای باکووری کرد، بە ئامانجی بەدەستهێنانی پشتیوانی تەواو  بۆ شەڕەکەی لەگەڵ ئۆکراینا و بۆ ئەمەش"ڕێککەوتننامەی بەرگریی هاوبەش"یان واژۆ کرد.

بۆچی گرنگە: ئەم سەردانەی پووتین بۆ کۆکردنەوەی پشتیوانی وڵاتانە لەکاتێکدا شەڕی ئۆکراینا درێژە دەکێشێت.

پێدراوە ڕاستەکان: پووتین لە کۆریای باکوور پاڵپشتییەکی ئاشکرای وەرنەگرت، بەڵام تو لام، سەرۆکی ڤێتنام خواستی بۆ بەهێزکردنی هاوکارییەکان لە بواری بەرگری دەرىڕی.

باکگراوند: مۆسکۆ دەیان ساڵە وەک گەورەترین دابینکەری چەک بۆ ڤێتنام ماوەتەوە، لە نێوان ساڵانی 1995 بۆ 2023 زیاتر لە %80 ی چەکی ڤێتنامی دابینکردووە، بەڵام لەگەڵ زیادبوونی سزا نێودەوڵەتییەکانی سەر ڕووسیا، هەناردەکردنەکە کەمی کردووە.