یەکەم کاروانی حاجییانی کوردستان دەگەڕێتەوە

ئاڤا نیوز

 

ڕۆژی  22ی ئەم مانگە یەکەم کاروانی حاجییانی هەرێمی کوردستان بە ڕێگەی وشکانی لە مەدینەوە بۆ هەرێمی کوردستان بەڕێدەکەوێت.

 

وێنە گەورەکە: ئەمساڵ لە  هەرێمی کوردستان چوار هەزار و 685 کەس چوونەتە سعودیە بۆ بەجێگەیاندنی فەریزەی حەج، زیاتر لە 15 هەزار کەسی دیکەش بە ڤیزای ساڵی چوونەتە ئەو وڵاتە.

 

لێدوانی فەرمی: ڕۆژگار جەعفەر، بەرپرسی ڕاگەیاندنی پرۆسەی حەج بە ئاڤا نیوزی گوت: ڕۆژی 22-6-2024 یەکەم کاروانی حاجییان بە ڕێگەی وشکانی لە مەدینەوە بەڕێدەکەوێت و دوای دوو ڕۆژ دەگەنە هەرێمی کوردستان.

زانیاریی زیاتر: ڕۆژی 24-6-2024 یەکەم کاروانی حاجییان بە ڕێگەی ئاسمانی لە مەدینەوە بەڕێدەکەوێت و کاتژمێر 9:00ی بەیانی لە فڕۆکەخانەی هەولێر دەبن، کاتژمێر 12:30 خولەکی دوای نیوەڕۆش دووەم فڕۆکە لە فڕۆکەخانەی سلێمانی دەنیشێتەوە.

 

ئەمەش بزانە: پرۆسەی گەڕانەوەی حاجییان بەڕێگەی ئاسمانی بۆ فڕۆکەخانەی نێودەوڵەتی هەولێر تا 29-6-2024 دەبێت، بۆ فڕۆکەخانەی سلێمانیش تا 30-6-2024 بەردەوام دەبێت، بەڵام دیار نییە لە هەر گەشتێک  چەند حاجی دەگەڕێنەوە.