بە بەشداریی 12 وڵات چالاکییەکانی جەژنی غەدیر لە نەجەف دەستپێدەکات

ئاڤا نیوز

ئەمڕۆ هەینی بە بەشداریی 12 وڵات چالاکییەکانی جەژنی غەدیر لە نەجەف دەستپێدەکات، یه‌ك هه‌فته‌ به‌رده‌وام ده‌بێت و سێشەممەی داهاتووش بەم بۆنەیەوە له‌ سه‌رتاسه‌ری عێراق پشووی فەرمییە.

 

بۆچی گرنگە: لای شیعەمەزهەبەکان ڕۆژی 18ـی زیلحیجە کە بە ڕۆژی "غەدیر" ناسراوە، بە ڕۆژێکی پیرۆز دادەنرێت، گوایە لەم ڕۆژەدا پەیامبەری ئیسلام، ئیمامی عەلی وەک شوێنگرەوەی خۆی داناوە.

 

ڕاگەیێنراوی فەرمی: حەیدەر ڕەحیم، بەڕێوەبەری ڕاگەیاندنی (عه‌ته‌به‌ی عه‌لویه) دەڵێت؛ مەراسیم  و كۆڕ و كۆبوونه‌وه‌ی ڕۆشنبیری و دیالۆگ بە بەشداری پیاوانی ئایینی سەرجەم ئایین و مەزهەبەکان ڕێکدەخرێن.

زانیاریی زیاتر: بەهۆی ئەوەی ئەمساڵ یەکەمجارە جەژنی غەدیر کراوەتە پشووی فەرمی، ئامادەکاریی زۆر کراوە، کێکێک بە درێژی هەزار مەتر ئامادەكراوه‌ و زیاتر لە 100 هەزار ژەم کێک پێشکەش بە زیاره‌تكاران دەکرێت