توركیا: ڕێوشوێنەكانمان دژ بە كۆچی نایاسایی تووند كردووەتەوە

ئاڤا نیوز

بەپێی ئاماری وەزارەتی کۆچی تورکیا، لە ڕۆژانی جەژندا 881 کۆچبەری نایاسایی دەستگیرکراون، ئەو کۆچبەرانە ویستوویانە کەمبوونەوەی کۆنترۆڵ بقۆزنەوە تا لە تورکیاوە بپەڕنەوە بۆ ئەوروپا.

ڕاگەیێنراوی فەرمی: وەزارەتی کۆچی تورکیا ڕایگەیاند: هێزەکانمان ڕێوشوێنەکانی دژ بە کۆچی نایاسایی لە سنوورەکانی تورکیاوە تووندتر کردووەتەوە، تەنیا لە جەژنی قورباندا 881 کەس کە ویستوویانە بەقاچاغ لە تورکیاوە بەرەو یۆنان بپەڕنەوە بەڵام دەستگیرکراون، ئەوەش لە ئەنجامی پشکنینی ناسنامە بۆ زیاتر لە 21 هەزار و 396 کەس.

لە لایەکی دیکەوە: وەزارەتی دادی تورکیا ئەوەی ڕاگەیاندووە، ڕێکارەکانی دیپۆرتکردنەوەی ئەو کۆچبەرانە دەستیپێکردووە.

وێنە گەورەکە: کۆچبەرانی نایاسایی ناوچە سنوورییەکانی تورکیا لەگەڵ یۆنان و ئیتاڵیا کە بەشێکی زۆریان سنووری ئاوین، بۆ پەڕینەوە بۆ ئەوروپا بەکاردەهێنن.