ئەمساڵ 762 ڕووداوی ئاگرکەوتنەوە لە سنووری هەولێر تۆمارکراون

ئاڤا نیوز

 

لە سەرەتای ئەمساڵەوە 762 ڕووداوی ئاگرکەوتنەوە لە سنووری هەولێر تۆمارکراون، تاوەکو ئێستاش دوو هەزار و 280 دۆنم گەنمی جووتیاران سووتاوە.

لێدوانی فەرمی: مقەدەم شاخەوان، گوتەبێژی بەرگریی شارستانیی هەولێر بە ئاڤا نیوزی ڕاگەیاند:  لە چوار ڕۆژی جەژندا 29 ڕووداوی ئاگرکەوتنەوە هەبووە، لەنێوانیاندا 22 ئاگرکەوتنەوەی پووش و پەڵاش، سێ خانوو، سێ ئۆتۆمبێل و یەک دووکان، تەرمێکیش لە زێی گەورە دۆزراوەتەوە.

ژمارەکان وا دەڵێن: لە مانگی ئایارەوە تاوەکو ئێستا 355 ڕووداوی ئاگرکەوتنەوە لە سنووری هەولێر تۆمارکراون، لە شەش مانگی ڕابردووشدا دوو هەزار و 280 دۆنم گەنمی جووتیاران سووتاوە لە نێویاندا 231 دۆنم جۆ بووە، زیاتر لە هەزار دۆنم پووش و پەڵاش بووە و ئەوەی دیکە گەنم بووە".

باکگراوند: لە سەرەتای ئەم ساڵەوە تاوەکو ئێستا لە سنووری هەولێر 762 ڕووداوی ئاگرکەوتنەوەی جیاواز هەبووە.