قوتابییە ئاوارەکانی شنگال بۆ تاقیکردنەوە گشتییەکان هاوکاری دەکرێن

ئاڤا نیوز

 

بەڕێوەبەری گشتیی پەروەردەی پارێزگای دهۆک ڕایگەیاند، ئەمساڵ 810 قوتابی شنگال لە هاوکارییەکانی سەرۆکوەزیران بارزانی سوودمەند بوون.

وێنە گەورەکە: هەموو ساڵێک، لەگەڵ دەستپێکردنی تاقیکردنەوەکانی پۆلی 12ی ئامادەیی، سەرۆکوەزیران بارزانی هاوکاری ماددی پێشکەش قوتابییە ئاوارەکانی شنگال دەکات کە لە دهۆک تاقیکردنەوەی پۆلی 12ی ئامادەیی ئەنجام دەدەن.

لێدوانی فەرمی: عومەر عەلی، بەرێوەبەری گشتی پەروەردەی پارێزگای دهۆک بە ئاڤا نیوزی گوت: "ئەم ساڵ 810 قوتابی لە قەزای شنگال هاتوونەتە پارێزگای دهۆک بۆ ئەنجامدانی تاقیکردنەوەکانی پۆلی 12ی ئامادەیی، بەشێکیان لە سەنتەری دهۆک و بەشێک لە قەزای سێمێل تاقیکردنەوەکان ئەنجامدەدەن".

باکگراوند: لەبەر خراپی بارۆدۆخی شنگال، لە ساڵی 2014 ەوە، قوتابییانی پۆلی 12ی ئامادەیی ئەوانەی سەر بە پەروەردەی کوردین، بۆ ئەنجامدانی تاقیکردنەوەکانیان سەردانی پارێزگای دهۆک دەکەن.