زۆربەی ئەو باندەی منداڵانیان دەڕفاند دەستگیرکراون

ئاڤا نیوز

زۆربەی ئەندامانی ئەو باندە دەستگیركراون، كە بە "نیقاب" ی ژنانەوە هەوڵی ڕفاندنی منداڵێكیان دا.

چیرۆكی سەرەكی: دوێنێ هێزێکی ئەمنیی پارێزگای ئه‌نبار لە عێراق، پیاوێكی ده‌ستگیركرد كە هەوڵی ڕفاندنی منداڵێكی دا و بۆ ئەو كارەش جلوبه‌رگ و "نیقاب"ی ژنانی پۆشیبوو‌.

وێنە گەورەکە: بەپێی ئامارە فەرمییەکانی بەڕێوەبەرایەتیی نه‌هێشتنی تاوان،  دیارده‌ی ‌ ڕفاندنی منداڵان له‌ پارێزگاکانی عێراق ڕوو لە زیادبوونە.

زانیاریی بەدەستهاتوو: سەرچاوەیەکی ئەمنیی لە بەرێوەبەرایەتی نه‌هێشتنی تاوان لە پارێزگای ئەنبار بە میدیا عێراقییەكانی گوتووە: ده‌ستگیركراوه‌كه‌ ئه‌ندامی باندێكی تاوانباره‌ به‌ ڕفاندنی منداڵان، كاریان ئەوەیە ئەو منداڵانە دەڕفێنن كه‌ته‌مه‌نیان له‌نێوان چوار ساڵ تا حەوت ساڵاندایە.

ئەوەی پێویستە بیزانیت: ئێستا زۆربه‌ی ئه‌ندامانی ئه‌و بانده‌ ده‌ستگیركراون، كه‌ منداڵه‌ ڕفێنراوه‌كانیان بۆ سواڵكردن له‌شه‌قامه‌كانی به‌غدا بەكارهێناوە.