کنارەی سریانی ئاهەنگێک ساز دەکات

ئاڤا نیوز

 

بە بۆنەی ڕۆژی جیهانیی میوزیکەوە، ئۆرکێسترای کنارەی سریانی لە هەولێر  ئاهەنگێکی میوزیک و گۆرانی ساز دەکات.

 

وێنە گەورەکە: 26ـی ئەم مانگە، لە هەولێر بە بۆنەی ڕۆژی جیهانی میوزیکەوە، ئۆرکێسترای کنارەی سریانی بەهاوئاهەنگی بەڕێوبەرایەتیی ڕۆشنبیری هەولێر ئاهەنگێک ساز دەکات.

 

لێدوانی فەرمی: فەرهەنگ غەفوور، بەڕێوەبەری ڕۆشنبیری و هونەری هەولێر بە ئاڤا نیوزی گوت: "کۆنسێرتێکی گۆرانی و میوزیک بۆ گرووپی  ئۆرکێسترای کنارەی سریانی ساز دەکەین". 

 

لە لایەکی دیکەوە: "12 پارچە میوزیک و شاکارە هونەرییەکانی میوزیکی سریانی، کوردی و عەرەبی پێشکەش دەکرێن. مەبەست لە ڕێکخستنی ئاهەنگەکەش نەخشاندنی پێکەوەژیانییە". فەرهەنگ غەفوور باسی لەمەش کرد.

 

ئەمەش بزانە: کۆنسێرتەکە لە هۆڵی پێشەوا ساز دەکرێت و 30 هونەرمەند بەشدار دەبن.