پڕۆسەی بە دیجیتاڵکردنی مووچەی مووچەخۆران خێرا دەکرێت

ئاڤا نیوز

وەزیری دارایی و تیمی هەژماری من کۆبوونەوە، بڕیاردرا کارئاسانی زیاتر بۆ تیمەکان بکرێت بۆ خێراترکردنی پرۆسەکە.

وێنە گەورەکە: پڕۆسەی بە دیجیتاڵکردنی مووچەی مووچەخۆران لە ڕێگەی هەشت بانکی حکومی و ئەهلی بەردەوامە، کە سەرجەمیان لەلایەن بانکی ناوەندی عێراقەوە باوەڕ پێکراون.

ئەوەی پێویستە بیزانیت: تاوەکو ئێستا 400 هەزار فەرمانبەر لەپڕۆژەکە تۆماکراون و لیستی نزیکەی چوار هەزار و 500 فەرمانبەر ئاراستەی بانکی عێراقی بۆ بازرگانی ( TBI ) کراوە.

ڕاگەیێنراوی فەرمی: "وەزیری دارایی بڕیاریدا کارئاسانی زیاتر بۆ تیمەکان بکرێت تا پرۆسەکە خێراتر بکرێت و پێش ئەو وادەیەی بۆی دیاری کراوە سەرجەم مووچەخۆران ببنە خاوەن هەژماری بانکی خۆیان."
لە ڕاگەیێنراوی وەزارەتی دارایی و ئابووری هەرێمی کوردستان واهاتووە.

 

گۆشەیەکی دیکە: ئاوات شێخ جەناب، بڕیاریداوە دەبێت تاوەکو1-9-2024فەرمانبەرانی مەدەنی و لیوا هاوبەشەکانی پارێزگای هەولێر لە (هەژماری من) خۆیان تۆمار بکەن.