دیوانیه‌ .. خۆپیشاندەران هەڕەشەی مانگرتنی سه‌رتاسه‌ری ده‌كه‌ن

ئاڤا نیوز

لە دیوانیه‌ خۆپیشاندەران هەڕەشەی مانگرتنی سه‌رتاسه‌ری ده‌كه‌ن، داوای چارەسەرکردنی کێشەکانیان دەکەن.

چیرۆکی سەرەکی: بەهۆی نەبوونی خزمەتگوزارییەکان بەگشتی و خراپی دۆخی كاره‌با، لە قەزای حه‌مزه‌ی سەر بە پارێزگای دیوانیه‌ سه‌دان هاووڵاتی خۆپیشاندانێكی فراوانیان ئه‌نجامدا و رێگای سه‌ره‌كی شارۆچكه‌كه‌یان داخست .

ئەوەی پێویستە بیزانیت: خۆپیشاندەران داوای له‌ كارلابردنی بەرپرسانی پارێزگاکەیان كرد، هەڕەشەی مانگرتنی سه‌رتاسه‌ری ده‌كه‌ن ئەگەر كێشه‌كانیان  چارەسەرنه‌كرێت .

وێنە گەورەکە: بە هۆی خراپیی دۆخی کارەباو نەبوونی خزمەتگوزارییەکان، خۆپیشاندان لە چەند شارێکی عێراق بەردەوامە، خۆپیشاندەران دەستیان کردووە بە مانگرتن و داخستنی ڕێگە سەرەکییەکان.