ئەمریکا لیستی ڕەش لەبارەی بازرگانیکردن بە مرۆڤەوە ئاشکرا دەکات

ئاڤا نیوز 

ئەمریکا ڕاپۆرتی ساڵانەی خۆی سەبارەت بە بازرگانیکردن بە مرۆڤ لە جیهان ئاشکرا کرد، 13 وڵات بە تێوەگلانی ڕاستەوخۆی بازرگانیکردن بە مرۆڤەوە تۆمەتبارن. 

وێنە گەورەکە: ڕاپۆرتەکە ناوی 188 دەوڵەتی تێدایە کە بازرگانیکردن بە مرۆڤ دەیانگرێتەوە، ئەمریکا یەکێکە لەو ڵاتانەی بەهۆی پێشکەوتنی تەکنەلۆژیا ژمارەی بازرگانیکردن بە مرۆڤ بەرزبووەتەوە.

ئەوەی پێویستە بیزانیت: بە گوێرەی ڕاپۆرتەکەی وەزارەتی درەوەی ئەمریکا، لە ئەفریقای باشوور، جەزائیر و میسر هەوڵی تەواو دراوە بۆ کەمکردنەوەی، بە پێچەوانەی بڕۆنای کە ئاستی بەرەنگار بوونەوەی دابەزیوە.

زانیارییە بەدەستهاتووەکان: لە کۆی ئەو وڵاتانەی کە لە لیستی ڕەشدا بوون، 13 وڵات بە تێوەگلانی ڕاستەوخۆی بازرگانیکردن بە مرۆڤەوە تۆمەتبارن کە بریتین لە: ئەفغانستان، بیلاڕووس، بۆرما، چین، کوبا، ئێریتریا، کۆریای باکوور، ئێران، ڕووسیا، باشووری سوودان، سوودان، سووریا و تورکمانستان.

ژمارەکان وادەڵێن: بەپێی ئامارەکانی ڕێکخراوی نێودەوڵەتی کار، نزیکەی 27 ملیۆن کەس لە جیهاندا  بازرگانی بە مرۆڤەوە دەکەن، ساڵانە داهاتی نایاسایی لەو ڕێگەیەوە بەدەستدەهێنێنن کە دەگاتە نزیکەی 236 ملیار دۆلار.