هاوپەیمانی ئیدارەی دەوڵەت كۆبوونەوەیەكی یەكلاكەرەوە ده‌كات

ئاڤا نیوز

 

هاوپەیمانی ئیدارەی دەوڵەت، لەبارەی پۆستی سەرۆكی پەرلەمان كۆده‌بێتەوە، به‌پێی زانیارییه‌كان كۆبونەوەیەكی یەكلاكەرەوە دەبێت.

ئەوەی پێویستە بیزانیت: بڕیاره‌ ئه‌مشه‌و لایەنەكانی هاوپەیمانی ئیدارەی دەوڵەت، لە كۆشكی حكومەت لە بەغدای پایتەخت كۆبونەوەیەكی یەكلاكەرەوە بكه‌ن، لەبارەی هەڵبژاردنی سەرۆكێكی نوێ بۆ پەرلەمانی عێراق .

زانیاریی زیاتر: لایەنەكانی هاوپەیمانی ئیدارەی دەوڵەت، لایه‌نه‌ پێكهێنەرەكانی حكومەتی عێراقن و لایەنەكانی سوننەو كورد تێیدا بەشدارن، جگە لە ڕەوتی نیشتیمانی شیعە.

وێنە گەورەكە: پەرلەمانی عێراق تائێستا دوو گەڕی تایبەت بە هەڵبژاردنی سەرۆكێكی نوێی ئەنجامداوە، بەڵام بەهۆی ناكۆكی ململانێی تووندی لایەنە سیاسیەكان، نەیتوانیوە كەسێك بۆ ئەو  پۆستە دیاری بكات.