پەیکەرێک بۆ هونەرمەند حەسەن زیرەک دروست دەکرێت

ئاڤا نیوز

 

دامەزراوەی کەریمی عەلەکە پەیکەرێک بۆ هونەرمەند حەسەن زیرەک دروست دەکات و نیوەی کارەکانی دروستکردنی تەواوبووە.  

 

وێنە گەورەکە: پەیکەرێک بۆ هونەرمەند حەسەن زیرەک لەلایەن هونەرمەندی شێوەکار چێنەر نزار دروست دەکرێت و بڕیارە لە ماوەی داهاتوودا پەردەی لەسەر لابدرێت.

 

لێدوانی فەرمی: شاخەوان سدیق، بەڕێوەبەری دامەزراوەی کەریمی عەلەکە بە ئاڤا نیوزی ڕاگەیاند: ماوەی دوو مانگە دەست بە دروستکردنی پەیکەرێک کراوە بۆ هونەرمەند حەسەن زیرەک بە سپۆنسەری دامەزراوەی کەریمی عەلەکە و بە پشتیوانی دارایی تەها ڕەسووڵ لەلایەن هونەرمەند چێنەر نزارەوە پەیکەرەکە دروست دەکرێت. 

 

ئەوەی پێویستە بیزانیت: 50% کارەکانی دروستکردنی تەواو بووە و بڕیارە لە چەند مانگی داهاتوودا پەردەی لەسەر لابدرێت و لە شوێنێکی شیاو لە سلێمانی دابنرێت.