لە وەرزی گەرمادا ڕێژەی جیابوونەوە لە عێراق زیاتر دەبێت

ئاڤا نیوز

ڕێژەی جیابوونەوە لە عێراق ڕوو لە هەڵکشانە، بەشێوەیەک تەنیا لە چوار مانگی یەکەمی ئەمساڵ زیاتر لە 25 هەزار و 536 حاڵەتی جیابوونەوە لە سەرتاسەری عێراق تۆمار کراوە.

لێدوانی فەرمی: فازڵ غەرراوی، سەرۆکی سەنتەری ستراتیژی بۆ مافەکانی مرۆڤ لە عێراق بە ئاڤا نیوزی ڕاگەیاند: لە مانگی کانوونی دووەمی ئەمساڵ حەوت هەزار و 453 حاڵەتی جیابوونەوەی هاوسەران تۆمار کراوە و مانگی شوبات شەش هەزار و 324 حاڵەت و لە ئازار شەش هەزار و 222 حاڵەت و لە مانگی نیسانیش پێنج هەزار و 537 حاڵەت لە عێراق تۆمار کراوە.

زانیاریی زیاتر: "ڕێژەی جیابوونەوە لە وەرزی هاوین زیاترە لە وەرزەکانی دیکەی ساڵ" فازڵ غەرراوی ئەوەشی گوت.

هۆکارە زانراوەکان:لاوازی هۆشیاری و لێکتێنەگەیشتن، تووندوتیژی خێزانی، دەستێوەردان، هاوسەرگیریی پێشوەختە، خراپیی باری دارایی، فرە ژنی و بوونی زیاتر لە یەک خێزانێک لە یەک ماڵدا، سەرەکییترین هۆکاری زیاد بوونی جیابوونەوەن لە عێراق.