یەکێتیی ئەوروپا 19 کۆمپانیای چینی سزا دەدات

ئاڤا نیوز

یەکێتیی ئەوروپا لە چوارچێوەی چواردەیەمین پاکێجی سزاکانی دژی ڕووسیا، 61 کۆمپانیا، لەنێویشیاندا 19 کۆمپانیای چینی، بە پاساوی پشتیوانیی ڕاستەوخۆیان لە پیشەسازیی سەربازیی ڕووسیا، سزا دا.

وێنە گەورەکە: یەکێتیی ئەوروپا چین بە پاڵپشتییکردنی ڕووسیا لە جەنگی دژ بە ئۆکراینا تۆمەتبار دەکات، بەڵام چین ئەم تۆمەتانە ڕەت دەکاتەوە. یەکێتییەکە دەیەوێت لە ڕێگەی سزادانی کۆمپانیا چینییەکانەوە گوشاری زیاتر بخاتە سەر چین و ڕووسیا بۆ وەستانی شەڕ دژی ئۆکرانیا.

زانیاریی زیاتر: جگە لە 19 کۆمپانیا چینییەکە، نۆ کۆمپانیا لە تورکیا، دوو لە قرقیستان، یەک لە کازاغستان، یەک لە هیندستان و یەکێکیش لە ئیمارات خراونەتە ناو لیستەکەوە، ئەوانی دیکەش لە ڕووسیان. 

ئەوەی پێویستە بیزانیت: تا ئێستا یەکێتیی ئەوروپا 675 کۆمپانیای بە پاساوی "پشتیوانیی ڕاستەوخۆ لە پیشەسازیی سەربازیی ڕووسیا" سزا داوە.