دەیان هەزار کەس لە "جەژنی غەدیر" بەشداربوون

ئاڤا نیوز

ئه‌مڕۆ دەیان هه‌زار ھاووڵاتیی عێراقی و بیانی ڕوویان کردە شاری نەجەف بۆ بەشداریکردن لە مەراسیمی جەژنی "غەدیر"  و سەردانکردنی مەزارگەی ئیمامی عەلی.

وێنه‌ گه‌وره‌كه‌: ڕۆژی 18ـی زیلحجە کە بە ڕۆژی "غەدیر" ناسراوە، لای شیعە مەزهەبەکان بە ڕۆژێکی پیرۆز دادەنرێت، بانگەشەی ئەوە دەکەن لەم ڕۆژەدا و لە ساڵی 10ـی کۆچی پێغەمبەری ئیسلام، ئیمامی عەلی وەکو شوێنگرەوەی خۆی داناوە، ئەمساڵیش ئەم ڕۆژە بەفەرمی لە عێراق کرایە پشوو.

ئەوەی پێویستە بیزانیت: ڕێوڕەسمەکە له‌ ڕێوشوێنێکی ئەمنیی توونددا بەڕێوەچوو، ئامادەکارییەکی باش کرابوو، هه‌موجۆره‌ خزمەتگوزاییه‌ك له‌نێویاندا خواردن، خواردنەوە و شیرینه‌مه‌نی پێشكه‌ش به‌  زیاره‌تکاران  كرا، چه‌ندین خێوه‌تی ته‌ندروستیش بۆ حاڵه‌تی نه‌خوازراو هەڵداربوون.