سەرۆكکۆماری عێراق بۆ هەڵبژاردنی کوردستان جەخت لە چەند بنەمایەک دەکات

ئاڤا نیوز

سەرۆککۆماری عێراق پێشوازی لە هەڵبژاردنی پەرلەمانی کوردستان دەکات و بۆ سەرکەوتووبوونی پرۆسەکە جەخت لە گرنگی زامنکردنی بنەماکانی؛ پاکی، بێگەردی، دادپەروەری، شەفافیەت و دابینکردنی  پێداویستییەکان دەکات.

چیرۆکی سەرەکی: د.لەتیف ڕەشید، سەرۆكکۆماری عێراق لەگەڵ دادوەر عومەر ئەحمەد، سەرۆکی کۆمیسیۆنی باڵای سەربەخۆی هەڵبژاردنەکان ئامادەکارییەکانی پرۆسەی هەڵبژاردنی پەرلەمانی کوردستانیان تاوتوێ کرد.

ڕاگەیێنراوی فەرمی: سەرۆكکۆمار وێڕای پێشوازیکردن لە بەڕێوەچوونی هەڵبژاردن، جەختی لە دابینکردنی سەرجەم پێداویستییە لۆجستییەکان کردووەتەوە بۆ سازکردنی پرۆسەکە و مسۆگەرکردنی سەرکەوتنی.

زانیاریی زیاتر: سەرۆكکۆمار ئاماژەی بە پێویستی زاڵبوون بەسەر هەموو ئاستەنگەکان و پێشکەشکردنی پاڵپشتی پێویست بۆ کاری کۆمیسیۆن کردووە، بۆ ئەوەی لە جێبەجێکردنی ئەرکەکەی لە هەموو قۆناغەکانی پرۆسەی هەڵبژاردندا سەرکەوتووبێت و بەشداریکردنی بەرفراوانی دەنگدەران لە هەڵبژاردنی نوێنەرەکانیاندا زامن بکرێت.