عێراق لە لیستی جیهانی بازرگانیكردن بە مرۆڤ دەرهێنرا

ئاڤا نیوز

 

لە ڕاپۆرتی ساڵانەی وەزارەتی دەرەوەی ئەمریکا، عێراق بۆ ئەمساڵ لە لیستی جیهانی بازرگانیكردن بە مرۆڤ دەرهێنراوە و بەم بۆنەیەشەوە باڵیۆزی ئەمریكا لە عێراق پیرۆزبایی لە عێراق دەکات.

 

وێنە گەورەکە: ساڵانە وەزارەتی دەرەوەی ئەمریکا ڕاپۆرتی ساڵانەی خۆی لەبارەی بازرگانیکردن بە مرۆڤەوە بڵاو دەکاتەوە.

 

لێدوانی فەرمی: ئەلینا رۆمانۆوسکی، باڵیۆزی ئەمریكا لە عێراق لە پۆستێکی لە تۆڕی "X" ڕایگەیاند: "پیرۆزبایی لە عێراق دەکەم بۆ بەگەڕخستنی تواناکانی لە بەرەنگاربوونەوەی بازرگانیکردن بە مرۆڤ، کە بووە مایەی ئەوەی لە لیستی چاودێری لە ڕاپۆرتی ساڵانەی بازرگانیكردن بە مرۆڤ بۆ ئەمساڵ دەربهێنرێت.

 

ئەوەی پێویستە بیزانیت: لە ڕاپۆرتی بازرگانیی بە مروڤ 2024 حکومەتی هەرێمی کوردستان بە هەنگاوە بەرچاوەکانی لە بەرەنگاربوونەوەی بازرگانیی بە مرۆڤ لە چوارچێوەی هەرێمی کوردستان ناسێنرا.

 

ئەمەش بزانە: هەر بەهۆی ئەم پێشکەوتنانە، حکومەتی هەرێمی کوردستان لە چوارچێوەی عێراق توانیویەتی لە بەرەنگاربوونەوەی بازرگانیی بە مروڤەوە بە شێوەی فەرمی لە پلەی سێیەم بێتە پلەی دووەم.