پێکهاتەکان: غەدرێکی زۆر گەورەمان لێکراوە

ئاڤا نیوز

 

پێکهاتەکان لە کەمکردنەوەی کورسیەکانیان ناڕازین و وێرای ئەوەش زۆربەیان بەشداری لە هەڵبژاردنەکان دەکەن، مونا قەهوەچیش ڕایدەگەیێنێت، غەدرێکی زۆر گەورەمان لێکراوە.

 

چیرۆکی سەرەکی: پێشتر پێکهاتەکان خاوەنی 11 کورسیی پەرلەمانی کوردستان بوون، بەڵام ئێستا بۆ پێنج کورسی کەمکراونەتەوە، ئەمەش نارەزایەتیی بەشێک لەو لایەنانە بە دوای خۆیدا هێناوە.

 

لێدوانی فەرمی: مونا قەهوەچی، جێگری سەرۆکی پارتی چاکسازیی تورکمان بە ئاڤا نیوزی ڕایگەیاند: "ئێمە غەدرێکی زۆر گەورەمان لێکراوە، تەنیا یەک کورسی بۆ پێکهاتەیەکی واگەورە شتێکی زۆر هەڵەیە".

 

لە لایەکی دیکەوە: ڕۆمیۆ هەکاری، سکرتێری گشتیی پارتی دیموکراتی بەیت نەهرەین بە ئاڤا نیوزی گوت: "تەنیا یەک کورسی بەس نییە بۆ پێکهاتەکەمان، غەدرێکی زۆر گەورە کراوە بەتایبەتی لە کلد و ئاشورییەکان، ئێمە لەگەڵ سیستەمی یەک بازنەیی داین نەک فرەبازنەیی، زۆرترین مەسیحی لە دهۆکە کەچی لەوێ کورسی بۆ دانەنراوە". 

 

گۆشەیەکی دیکە: ئایدن مەعروف، وەزیری هەرێم بۆ کاروباری پێکهاتەکان بە ئاڤا نیوزی دەڵێت: "زۆرترین ڕێژەی تورکمان لە شاری هەولێرە و دەبووایە ئێمە پێنج کورسیمان هەبوایە لە پارێزگای هەولێر، بەڵام یەک کورسمان هەیە کە ئەمە دادپەروەرانە نییە".