نەخۆشخانەکانی عێراق بەدەست کەمیی دەرمانەوە دەناڵێنن

ئاڤا نیوز

 

نەخۆشخانەکانی عێراق بەدەست کەمیی دەرمانەوە دەناڵێنن و لیژنەی تەندروستی پەرلەمانیش داوای چاره‌سه‌ری به‌په‌له‌ ده‌كات.

 

وێنە گەورەکە: له‌ عێراق رۆژانە بە هه‌زاران نەخۆش ڕوو لە نەخۆشخانە حكومییه‌كان دەکەن، بەڵام کەمیی دەرمان له‌ده‌رمانخانه‌ و نۆرینگەكانی ناو نه‌خۆشخانه‌كان، ئاستەنگی بۆ چارەسەری پزیشکی دروست كردووه‌.

 

لێدوانی فەرمی: ماجید شەنگالی، سەرۆکی لیژنەی تەندروستیی پەرلەمانی عێراق رایگه‌یاند: ئێستا وەزارەتی ته‌ندروستیی عێراق پێویستییەکی زۆری بە پارە هەیە بۆ کڕینی دەرمان و کەرەستەی پزیشکی.

 

خاڵی  ئەرێنی: وەزارەتی دارایی عێراق پێداچوونه‌وه‌ بە سه‌رجه‌م ئه‌و گرێبه‌ستانه‌ ده‌كات كه‌ له‌گه‌ڵ کۆمپانیای بەرپرس به‌ دابینکردنی دەرمان كراوه‌ ، ئەمەش دەبێتە هۆی دواکەوتنی هاتنی دەرمان.

 

ئەمەش بزانە: ده‌سته‌ی دەستپاکی عێراق داوای لە وەزارەتی تەندروستی کردووە، پێداویستییەکانی خۆی لە دەرمانی بەرهەمهێنراوی ناوخۆ رێک بخات.