عێراق گەڕانەوەی سەرجەم حاجییانی لەڕێگەی وشکانییەوە ڕاگەیاند

ئاڤا نیوز

 

نێردەی حەجی عێراق لە سعودیە، گەڕانەوەی سەرجەم حاجییانی وڵاتەکەی بە "سەلامەتی" لە عەرەبستانی سعودیە لەڕێگەی وشکانییەوە ڕاگەیاند.

 

وێنە گەورەکە: بەمەبەستی بەجێهێنانی فەریزەی حەج، 39 هەزار و 591 هاووڵاتی لە عێراقەوە لەڕێگەی ئاسمانی و وشکانییەوە گەیشتی سعودیەیان کردبوو، کە 20 هەزار و 855ـیان لەڕێگەی وشکانییەوە بوو.

 

ڕاگەیێنراوی فەرمی: "سەرجەم ئەو حاجییانەی لەڕێگەی وشکانییەوە گەشتی سعودیەیان کردبوو، بە سەلامەتی گەیشتنەوە وڵات، بەمەش پرۆسەی گواستنەوەی وشکانی بۆ هەموو میوانانی خودا لە وەرزی حەجدا کۆتاییهات".

 

لەلایەکی دیکە: شانەی ڕاگەیاندنی ئەمنیی عێراق ڕایگەیاند: یەکە ئەمنییەکانمان پلانی تایبەت بە گواستنەوەی پێچەوانەی حاجییانیان لە خاکی پیرۆزەوە لەڕێگەی وشکانییەوە تەواو کرد.