شاندێكی هەرێمی كوردستان بۆ دوو مەبەست سەردانی بەغدا دەكات

ئاڤا نیوز

شاندێکی هەرێمی کوردستان بۆ دوو مەبەست سەردانی بەغدا دەكات، هاوتاكردنی مووچەی خاوەنپێداویستییە تایبەتەكان و دەستكردنەوە بە ناونووسینیان.

چیرۆکی سەرەکی: لە ساڵی 2013ـەوە بڕینەوەی مووچە بۆ خاوەن پێداویستییە تایبەتەکان ڕاگیراوە، لەو کاتەوە 30 هەزار خاوەن پێداویستیی تایبەت تۆمار کراون و 13 هەزار و 227 کەسیان ناویان دراوەتە بەغدا.

لێدوانی فەرمی: یوسف چاوشین، بەڕێوەبەری گشتی چاودێری و گەشەپێدانی کۆمەڵایەتی هەولێر بە ئاڤا نیوزی گوت: " پێش جەژنی قوربان کۆبوونەوەیەکمان کرد و باس لە چەند خاڵێكی گرنگ كرا، لەوانە پێویستە دەست بە ناونووسینەوەی خاوەنپێداویستییە تایبەتەكان بكرێتەوە و مووچەكانیشیان لەگەڵ بەغدا هاوتا بكرێت، بۆ ئەو مەبەستەش شاندێكی هەرێمی كوردستان سەردانی بەغدا دەكات".

ژمارەکان وا دەڵێن: لە هەرێمی کوردستان 100 هەزار خاوەن پێداویستیی تایبەت هەن، 63 هەزار و 200 یان  150 هەزار دینار وەردەگرن و شەش هەزاو 800 یان فەرمانبەری حکومەتن و 100 هەزار دینار وەردەگرن.

بۆچی گرنگە: مووچەی خاوەنپێداویستییە تایبەتەكان لە بەغدا لە 250 هەزارەوە دەستپێدەكات و تا نزیكەی 500 هەزار دینارە، بە هاوتاكردنی، خاوەنپێداویستییە تایبەتەكانی هەرێمی كوردستان سوودمەند دەبن.