هاتووچۆی هەڵەبجە دەست بە فرۆشتنی ژمارە دڵخوازەکان دەکاتەوە

ئاڤا نیوز

هاتووچۆی هەڵەبجە ڕایگەیاند، لەسەر فەرمانی وەزارەتی ناوخۆ دەستدەکەنەوە بە فرۆشتنی ژمارە دڵخوازەکان و لە هەفتەی داهاتووەوە ڕێکارەکان دەستپێدەکەنەوە.

وێنە گەورەکە: لەڕۆژی 22ی شوباتی ئەمساڵ سەرۆکوەزیران بارزانی سەردانی پارێزگای هەڵەبجەی کرد، یەکەم تابلۆی ئەو پارێزگایەی پێشکەشی هاوڵاتییەکی ڕزگاربووی کیمیابارانی هەڵەبجە کرد.

ڕاگەیێنراوی فەرمی:بەڕێوەبەرایەتی هاتووچۆی هەڵەبجە ڕایگەیاند، دەستیانکردووەتەوە بە فرۆشتنی ژمارە دڵخوازەکانی هاتوچۆی پارێزگای هەڵەبجە و هەفتەی داهاتوو لەکاتژمێر 9:00ی بەیانی ڕێکارەکانی تیروپشک دەستپێدەکەن.

زانیاریی زیاتر: بەگوێرەی ڕێنمایی ژمارە دووی ساڵی 2022ی وەزارەتی ناوخۆ سەرەتا تابلۆی چوار ژمارەیی و دواتریش پێنج ژمارەیی دابەش دەکرێت، نرخی هەر تابلۆیەک دوو ملیۆن دینار دەبێت.

باکگراوند: لە سیستەمی تابلۆی نوێی ئۆتۆمبێل هەر پارێزگایەک کۆدێکی تایبەت بەخۆی پێدراوە، پارێزگای هەولێر کۆدی ژمارە (22) و پارێزگای سلێمانی کۆدی ژمارە (21) پارێزگای دهۆک کۆدی ژمارەی (24) و پارێزگای هەڵەبجەش کۆدی ژمارە (23)ی پێدراوە.