ئاسایش 11 خوێندكار بەتۆمەتی قۆپیەكردن دەستگیر دەكات

ئاڤا نیوز

بەڕێوەبەرایەتی ئاسایشی ڕۆژئاوای شاری سلێمانی، دەستگیرکردنی 11 تۆمبەتباری ڕاگەیاند، کە دەیانویست لەڕێگەی ئامێری بیستۆك (سەماعە)وە قۆپیە بکەن.

وێنە گەورەکە: ڕۆژی دەستپێکی تاقیکردنەوەی 12ی ئامادەیی ئالان حەمە سەعید وەزیری پەروەردە ڕایگەیاند: ئەمساڵ ڕێکاری زۆرباشیان گرتووەتەبەر بۆ ڕێگری لە گزیکردن.

ڕاگەیێنراوی فەرمی: ئاسایشی ڕۆژئاوای سلێمانی لە سنووری قەزای چەمچەماڵ 11 کەسیان دەستگیر کردووە، بەشێوەی ئۆنڵاین ئامێری قۆپیەکردنیان کڕیوە، ویستویانە بۆ تاقیکردنەوەی پۆلی 12ی ئامادەیی بەکاریبهێنن.

ئەوەی پێویستە بیزانیت: ئەو کەسانەی دەستگیرکراون بەپێی مادەی 240 لە یاسای سزادانی عێراقی دەستگیرکراون.

باکگراوند: ڕۆژی 23-6 تاقیکردنەوەی پۆلی 12ی ئامادەیی لە هەرێمی کوردستان دەستیپێکرد، 122 هەزار و 15 قوتابی بەشداری پرۆسەکە دەکەن.