عێراق پلاتفۆرمێکی ئەلیکترۆنی بۆ تۆمارکردنی سکاڵا ڕادەگەیێنێت

ئاڤا نیوز
 
حکومەتی عێراق خزمەتگوزاریی ئەلیکترۆنی بۆ تۆمارکردنی سکاڵا لەسەر بابەتی میدیایی ناگونجاو و دژی بەهاکانی کۆمەڵگە ڕادەگەیێنێت.

وێنە گەورەکە: حکومەتی عێراق بۆ ڕێگریکردن لە بڵاوکردنەوەی ناوەرۆکی میدیایی دژی سەقامگیریی کۆمەڵایەتی و نەریتی کۆمەڵگە، پلاتفۆرمێکی ئەلیکترۆنی بۆ سکاڵاکردن لەسەر ئەو بابەتانە بەردەست دەکات و هاووڵاتیان دەتوانن لە ڕێگەیەوە سکاڵا تۆمار بکەن.

ڕاگەیێنراوی فەرمی: وەزارەتی ناوخۆی عێراق ڕایگەیاند، پلاتفۆڕمی "ئاگادار بکەوە" تایبەتە بە تۆمارکردنی سکاڵا لەسەر ئەو بابەتە میدیایانەی نەریتی گشتی تێک دەدەن، پەیام و ناوەرۆکی نەرێنییان تێدایە، ناڕەوشتین و سەقامگیریی کۆمەڵایەتی تێک دەدەن، ڕاستەوخۆش بەدواداچوون بۆ سکاڵاكە دەکرێت.