بیرە ئاوەکانی شنگال وشک دەبن و کێشەی کەمئاوی سەرهەڵدەدات

ئاڤا نیوز

 

لە سنووری قەزای شنگال کێشەی کەمئاوی سەریهەڵداوە، ئەمەش بووەتە کێشەیەکی گەورە و بەشێکی هاووڵاتیان بەناچاری ئاو دەکڕن.

 

لێدوانی فەرمی: نایف سەیدۆ، قایمقامی قەزای شنگال بەوەکالەت بە ئاڤا نیوزی گوت: بیرە ئاوەکانی سنوورەکەمان ئاستی ئاویان دابەزیوە و بەشێکی زۆریشیان وشکبوونە، ئەمەش بووەتە هۆکاری سەر‌هەڵدانی کێشەی کەمئاوی.

 

کاریگەری و لێکەوتەکان: لایەنە پەیوەندیدارەکان بەردەوام بیری نوێ لێدەدەن، بەڵام بەقسەی نایف سەیدۆ، ئەم هەوڵەش کێشەی ئاوی قەزاکەی چارەسەر نەکردووە و بەشێکی زۆری هاووڵاتیان ئاو دەکڕن.

 

گۆشەیەکی دیکە: هێشتا لە سەرەتای وەرزی هاوینن و کێشەی کەمئاوی لە شنگال سەریهەڵداوە، ئەمە جگە لەوەی ڕۆژانە خێزانە ئاوارەکان دەگەڕێنەوە سنووری قەزاکە، بەمەش خواست و پێداویستی بۆ خزمەتگوزارییەکان بەتایبەت بۆ ئاو زیاتر دەبێت. 

 

چارەسەرەکان: حکومەتی عێراق بڕیاری دروستکردنی پرۆژەی ئاوی شنگالی لەسەر ڕووباری دیجلەی داوە، بەڵام تاوەکو ئێستا هیچ هەنگاوێک بۆ جێبەجێکردنی پرۆژەکە نەنراوە.