کۆبوونەوەی سەرۆکوەزیران بارزانی و وەزیری بەرگریی تورکیا دەستیپێکرد

ئاڤا دیجیتاڵ

 

سەرۆکوەزیران بارزانی لە پیرمام پێشوازی لە وەزیری بەرگری و سوپاسالاری تورکیا کرد و کۆبوونەوەی نێوانیان دەستیپێکرد؛ پەرەپێدانی پەیوەندییەکان، تەوەری سەرەکیی کۆبوونەوەکە دەبێت.

 

وێنە گەورەکە: دوای ئەنجامدانی کۆمەڵێک کۆبوونەوە لە شاری بەغدا، ئێوارەی سێشەممە یەشار گولەر، وەزیری بەرگریی توركیا و مەتین گوراک، سوپاسالاری تورکیا، گەیشتنە فڕۆکەخانەی نێودەوڵەتیی هەولێر و لەلایەن شۆرش ئیسماعیل، وەزیری پێشمەرگە پێشوازیان لێکرا. 

 

بۆچی گرنگە: سەردانی وەزیری بەرگریی تورکیا بۆ عێراق و هەرێمی کوردستان، کە وڵاتێکی بەهێزە و ئەندامی ناتۆیە، لەم گرژی و ئاڵۆزییانەی کە ڕۆژهەڵاتی ناوەڕاست بەگشتی و عێراق بەتایبەتی پێیدا تێدەپەڕن، چاوەڕێ دەکرێت ئەنجامەکانی کاریگەربن.

 

زانیاریی تایبەت: لە کۆبوونەوەکانی یەشار گولەر لەگەڵ بەرپرسانی باڵای هەرێمی کوردستان، پەیوەندییەکانی نێوان هەردوولا و دۆسیەی ئەمنی نێوانیان تەوەری سەرەکیی کۆبوونەوەکانیان دەبێت.

 

لەلایەکی دیکەوە: بەیانی ئەمڕۆ لە سەرۆکایەتیی هەرێمی کوردستان، نێچیرڤان بارزانی، سەرۆکی هەرێمی کوردستان لەگەڵ یەشار گولەر، وەزیری بەرگریی تورکیا  کۆبوونەوە. هه‌ردوولا جه‌ختيان له‌ گرنگي هاريكاريى هاوبه‌شى توركيا له‌گه‌ڵ عێراق و هه‌رێمى كوردستان كرده‌وه‌ بۆ پاراستنى ئارامى و سه‌قامگيریی ناوچەکە.

 

 

باکگراوند: تورکیا و هەرێمی کوردستان هەمیشە پەیوەندییەکانیان بە "دۆستانە" ناودەبەن؛ لە بوارەکانی سیاسی، ئابووری و ئەمنی هەماهەنگی لەنێوانیاندا هەیە، کۆتایی مانگی ڕابردووش ئیبراهیم کاڵن، سەرۆکی دەزگای هەواڵگریی تورکیا سەردانی هەولێری کرد و لەگەڵ سەرۆک بارزانی کۆبووەوە. بەپێی ڕاگەیێنراوی کۆبوونەوەکە، "جەخت لەسەر پەیوەندییەکانی نێوان هەرێمی کوردستان و تورکیا و هەماهەنگییەکان بۆ پاراستنی ئارامی و سەقامگیری کراوەتەوە."