سەرۆکوەزیران بارزانی داواکارییەکانی خەڵکی خورماڵ جێبەجێ دەکات

ئاڤا نیوز

لە سەردانەکەیدا بۆ پارێزگای هەڵەبجە، سەرۆکوەزیران بارزانی سەردانی خورماڵ و هەوارمانی کرد و خەڵکی ناوچەکە چەند داواکارییەکیان ڕادەست کرد.

لێدوانی فەرمی: پێشەوا هەرامانی، گوتەبێژی حکومەتی هەرێمی کوردستان ڕایگەیاند، جێبەجێکردنی داواکاری هاووڵاتیانی خورماڵ لە کاری پێشینەی حکومەت دەبێت.

وێنە گەورەكە: لە چوارچێوەی سەردانەكەیدا بۆ پارێزگای هەڵەبجە، سەرۆكوەزیران بارزانی سەردانی قەزای خورماڵی کرد. خەڵكی دەڤەری هەورامان و خورماڵ “کوڵەباڵی هەورامان”ـیان بە دیاریی پێشکەشی سەرۆکوەزیران کرد لە بری هەوڵەکانی بۆ بە قەزاکردنی خورماڵ  بڕیارەكانی دیكە.

زانیاریی بەدەستهاتوو: ئەم هەوڵەی سەرۆكوەزیران بارزانی لە دوای ئەوە هات كە خەڵكی قەزاكە كەمپینێكیان دروستكرد بۆ بە قەزابوونی ناحییەكەیان.

باكگراوند: خورماڵ، دەکەوێتە باکووری پارێزگای هەڵەبجە و 10 کیلۆمەتر لە ناوەندی ئەو پارێزگایەوە دوورە و دەیان گوند لەخۆ دەگرێت، هەروەها 70 کیلۆمەتر لە ڕۆژهەڵاتی شاری سلێمانییەوە دوورە.