وەزیری بازرگانیی هەرێمی کوردستان: سایلۆی هەڵەبجە بۆ شارەکە گرنگە

ئاڤا نیوز

 

ئەمساڵ لە سنووری پارێزگای هەڵەبجە 86 هەزار و 300 دۆنم زەوی بە گەنم داچێنراوە و بەرهەمەکەی زیاتر لە 40 هەزار تۆن دەبێت، وەزیری بازرگانیش دەڵێت، کردنەوەی سایلۆی هەڵەبجە بۆ شارەکە گرنگە.

 

وێنە گەورەکە: ئەمڕۆ یەکشەممە سەرۆکوەزیران بارزانی بەردی بناغەی سایلۆی هەڵەبجەی دانا، کە یەکێکە لە پرۆژە ستراتیژییەکانی سنوورەکە.

 

لێدوانی فەرمی: کەمال موسلیم، وەزیری بازرگانیی هەرێمی کوردستان بە ئاڤا نیوزی گوت: سایلۆی هەڵەبجە دووجار بۆ شارەکە گرنگە، چونکە شارەزوور بە ناوچەیەکی کشتوکاڵی گرنگ دادەنرێ و دەبێ شوێنێک هەبێ کە گەنمی جووتیارانی تێدا هەڵبگیرێت.

 

بۆچی گرنگە: ئێستا ڕێژەی گەنمی وەرگیراو لە پەنکەرەکاندا 20 هەزار و 400  تۆن گەنمە، بەڵام لە شوێنی هەڵگرتنیدا پارێزراو نییە و بەردەوام بەشێکی تێک دەچێت، دروستکردنی سایلۆ ڕێگری لە تێکچوونی دەکات و دوو ئەوەندەشی وەردەگرێت.