داوا ده‌كرێت ده‌ست به‌ نۆژەنکردنەوەی مزگەوتی نووری بكرێته‌وه‌‌

ئاڤا نیوز

بەڕێوەبەرایەتی نه‌هێشتنی تەقەمەنی پارێزگای نەینەوا ئاشكرایكرد، هه‌موو ئه‌و بۆمبانه‌ی لەژێر مزگەوتی نووری لە موسڵ دۆزرابوونەوە پوچه‌ڵكراونەتەوە.

وێنە گەورەکە: ڕۆژی شه‌ممه‌ی ڕابردوو شه‌ش بۆمب لەژێر مزگەوتی نووری لە موسڵ دۆزرانەوە، بەو هۆیەوە کارەکانی نۆژه‌نكردنه‌وه‌ی مزگەوته‌كه‌ ‌له ‌لایه‌ن یۆنسكۆوه‌ به‌رێوه‌ده‌چێت ڕاگیرا.

ئه‌وه‌ی ئێستا ڕووده‌دات: بەڕێوەبەرایەتی نه‌هێشتنی تەقەمەنی نەینەوا داوای له‌یونسكۆ كرد، ده‌ست به‌ نۆژەنکردنەوەی مزگه‌وته‌كه‌ بكاته‌وه‌ پاش ئه‌وه‌ی هیچ مه‌ترسییه‌كی له‌سه‌ر نه‌ما .

زانیاریی زیاتر: ئەبوبەکر بەغدادی پێش 10 ساڵ له‌مه‌وبه‌ر لە 29ی حوزەیرانی 2014  لە مینبەری مزگەوتی نووری دەرکەوت، دامەزراندنی رێكخراوی داعشی ڕاگەیاند.

ئەوەی پێویستە بیزانیت: مێژووی دروستکردنی مزگەوتەکە بۆ ساڵی 1172 زایینی دەگەڕێتەوە، لە ساڵی  2017 چه‌كدارانی داعش مزگەوتەکەیان تەقاندەوە.