ئەمریکا ئاستی هۆشداریی لە بنکە سەربازییەکانی ئەوروپا بەرز دەکاتەوە

ئاڤا نیوز

سوپای ئەمریکا ئاستی هۆشداریی لە چەند بنکەیەکی لە ئەوروپا، بۆ دووەم بەرزترین ئاست بەرز کردووەتەوە.

وێنە گەورەکە: ئاستی هۆشدارییەکە بە "چارلی" ناو دەبرێت کە بە گوێرەی وێبسایتی سوپای ئەمریکا "بۆ کاتێکە کە شتێک ڕوو بدات یان زانیاریی هەواڵگری سەبارەت بە ئەگەری ڕووداوێک گەیشتبێت وەک کردەی تیرۆریستی یا بەئامانجگرتنی ستاف یان دامەزراوەکان".

ئەوەی پێویستە بیزانیت: لە 'چارلی' بەرزترین، ئاستی هۆشداریی 'دەلتا'یە کە کاتی هێرشی تیرۆریستیدا ڕادەگەیێنرێت. 

لە لایەکی دیکەوە: وەزارەتی دەرەوەی ئەمریکا ئامۆژگاریی هاووڵاتییەکانی لە ئەڵمانیا دەکات سەبارەت بە تیرۆریزم "زۆر وریا" بن.