یەکێک لە تۆمەتبارانی سووتاندنی بازاڕەکان کاندیدی یەکێتی بووە

ئاڤا نیوز

یەکێک لە تۆمەتبارانی سووتاندنی بازاڕەکانی هەولێر و دهۆک و کەرکووک ساڵی 2018 کاندیدی یەکێتیی نیشتمانیی کوردستان بووە و سەرپەرشتیاری تۆڕەکە بووە.

زانیاریی تایبەت: هونەر فەخرەدین ئەحمەد، یەکێک لەو تۆمەتبارانەی دەستگیرکراوە بەتۆمەتی سووتاندنی بازاڕەکان، ساڵی  2018 کاندیدی ژمارە  77  بووە لە لیستی 105ی یەکێتی بۆ هەڵبژاردنی پەرلەمانی  کوردستان، لەسەر پۆستەرەکەیشی خۆی وەکو نووسەر و شوێنەوارناس ناساندووە.

لێدوانی  فەرمی: سەرچاوەیەکی باڵا لە وەزارەتی ناوخۆی هەرێمی کوردستان بۆ ئاڤا نیوز پشتڕاستی کردەوە کە هەواڵەکە ڕاستە،  هونەر فەخرەدین کە دەستگیرکراوە هەمان کەسە کە پێشتر کاندیدی یەکێتی بووە.

ئەوەی پێویستە بیزانیت: ئەمڕۆ دووشەممە لە کۆنگرەیەکی ڕۆژنامەوانیدا لە بەغدا، وەزارەتەکانی ناوخۆی هەرێمی کوردستان و عێراق دەستگیرکردنی "تۆڕێکی پەکەکەی سێ کەسی"یان بەتۆمەتی سووتاندنی بازاڕەکانی هەولێر و دهۆک و کەرکووک ڕاگەیاند.

ئەمەش بزانە: هونەر فەخرەدین کارمەندی یەکەی 70 ی هێزی پێشمەرگەیە و سەرپەرشتیاری تۆڕەکەش  بووە. یەکێکی تریش لە گیراوەکان بە ناوی محەممەد نەجات حەسەن ئەفسەری دژەتیرۆری سلێمانییە.