وەزارەتی شارەوانی پابەندە بە ڕێكارەکانی بەهەمیشەییكردنی فەرمانبەرانی گرێبەست

ئاڤا نیوز

 

وەزارەتی شارەوانیی هەرێمی کوردستان ڕوونیکردەوە کە پابەندن بە یاسا و ڕێنماییەكانی حكومەت و لایەنی پەیوەندیدار بۆ بەهەمیشەییكردنی فەرمانبەرانی گرێبەست.

 

وێنە گەورەکە: حکومەتی هەرێمی کوردستان سەرقاڵی کۆکردنەوەی ئامار و زانیارییە لەسەر تەواوی فەرمانبەرانی گرێبەست، بۆ ئەوەی بەپێی بڕوانامە و پسپۆڕی بکرێنە هەمیشەیی.

 

ڕاگەیێنراوی فەرمی: وەزارەتی شارەوانی ڕایگەیاند: ئەوەی لەڕووی یاسا و ڕێكارەكانەوە لەسەر وەزارەتمان بووبێت كاری پێویستیان لەسەر كراوە و لە داهاتووشدا لە چوارچێوەی سیاسەتی حكومەتی هەرێمی كوردستان پابەندین بەو بابەتەوە، ئەگەر هەر سەرنجێکیشمان هەبووبێت، ئەوا لەبەر بەرژەوەندیی فەرمانبەرانی گرێبەست بووە.

 

ژمارەکان وادەڵێن: زۆرترین ژمارەی فەرمانبەرانی گرێبەست لە وەزارەتی شارەوانی و گەشتوگوزارن کە ژمارەیان لە 14 هەزار فەرمانبەر زیاترە ویستراوە کە باشترین وردەکاری تێدا بکرێت و مافی هیچ فەرمانبەرێکی گرێبەست پێشێل نەکرێت، چونکە ئاڵۆزییەک لە دانانی گرێبەستەکان هەبووە و بەشێکی فەرمانبەرە گرێبەستەکان بە ناونیشانێک گرێبەستیان بۆ کراوە کە گونجاو نییە لە ئاست ئەو بڕوانامەیەی هەیانە.

 

زانیاریی زیاتر: ئەو فەرمانبەرە گرێبەستانەی لە سێ ساڵ زیاتر خزمەتیان هەیە، بەپێی بڕوانامە و پسپۆڕی دەکرێنە هەمیشەیی، دووبارە شوێنی کارەکانیان دیاری دەکرێت.