ڕاگەیێنراوی پارێزگای هەولێر لەبارەی دەستگیرکردنی ئەو کەسانەی بازاڕی لەنگە و قەیسەرییان سووتاند

ئاڤا نیوز

 

لەبارەی دەستگیرکردنی ئەو کەسانەی بازاڕی قەیسەرییان سووتاندووە، پارێزگاری هەولێر ڕاگەیێنراوێکی بڵاوکردەوە و دەڵێت: ئامانجیان بڕینی سەرچاوەی قووتی هاووڵاتیان بووە. 

 

وێنە گەورەکە: ئەمڕۆ دووشەممە، وەزارەتەکانی ناوخۆی هەرێمی کوردستان و عێراق دەستگیرکردنی "تۆڕێکی پەکەکەی سێ کەسی"یان بەتۆمەتی سووتاندنی بازاڕەکانی هەولێر، دهۆک و کەرکووک ڕاگەیاند.

 

چیرۆکی سەرەکی: لە ماوەی سێ مانگی ڕابردوودا، چەندجارێک ئاگر لە بازاڕەکانی هەولێر، کەرکووک و دهۆک کەوتنەوە و لە هەر بازاڕێکدا سەدان دووکان سووتان. 

 

بڵاوکراوەی فەرمی: ئومێد خۆشناو، پارێزگارى هەولێر ڕایگەیاند: یەکێک لەو تاوانبارانە سەرپەشتیارى تاقمەکەیە بەناوى "هونەر فەخرەدین ئەحمەد" کارمەندی یەکەی حەفتایە و ئەوەی دیکەشیان "محەممەد نەجات حەسەن" ئەفسەری دژە تیرۆرە لە سلێمانی (CTG) و لەلایەن ڕاهێنەرانی چەکدارانی "پەکەکە" ڕاهێنانیان پێکراوە.

 

ئەوەی پێویستە بیزانیت: تاوانباران لە دانپێدانانەکانیان ئاشکرایان کردووە لە ویستوویانە وێڕاى سووتاندنی بازاڕەکانی لەنگە و قەیسەری، شوێنى دیکەى هەولێریش بسووتێنن، لەوانە (بازاڕى میللی، شوێنى بازرگانى، کێڵگەى کشتوکاڵى، پاڵاوگە و شوێنە گەشتیاریەکانى شەقڵاوە، سیروان مۆڵ و هێڵى گواستنەوەى کارەبا).