ئەنجوومەنی وەزیران زیادکردنی مووچەی خانەنشینان تاوتوێ دەکات

ئاڤا نیوز

ئەنجوومەنی وەزیرانی هەرێمی كوردستان كۆدەبێتەوە و گفتوگۆ  لەبارەی زیادکردنی مووچەی خانەنشینان و هاوتاکردنی لەگەڵ عێراق دەکات.

وێنە گەورەکە: سبەی چوارشەممە ئەنجوومەنی وەزیرانی هەرێمی کوردستان بەسەرپەرشتی سەرۆکوەزیران بارزانی کۆدەبێتەوە و گفتوگۆ لەبارەی چەند پرسێک دەکات، یەکێک لەوان هاوتاکردنی مووچەی خانەنشینانە لەگەڵ حکومەتی عێراق.

زانیاریی تایبەت: لیستی خانەنشینان  بەتەواوی ئامادەکراوە، وەزیری دارایی هەرێمی کوردستان و وەزیری دارایی عێراق گفتوگۆیان لەبارە کردووە و لەلایەن  بەغداوە ڕەزامەندی لەسەر دراوە، دوای تاوتوێکردنی لە ئەنجوومەنی وەزیران بۆ بەغدا دەنێردرێت.

باکگراوند: بەهۆی ئەوەی هەرێمی کوردستان  یاساییەکی یەکگرتووی خانەنشینی نییە، دوو ساڵ پێش ئێستا دادگەی فیدراڵی بڕیاری دا کار بە یاسای خانەنشینی عێراق بکرێت.
 
بۆچی گرنگە: بڕیارەکە نزیکەی 150 هەزار خانەنشین دەگرێتەوە، بڕی زیادبوونی مووچەیان لە 50 هەزارەوە بۆ 280 هەزار دینار دەبێت و ساڵی خزمەت و بڕوانامەش هەژمار دەکرێت.