ئەو کۆمپانیانەی بەنایاسایی حەجخوازیان بردووەتە سعودیە ناتوانن گەشتی عومرە ڕێکبخەن

ئاڤا نیوز

 

بەڕێوەبەرایەتیی گشتیی حەج و عومرەی هەرێمی کوردستان ڕێنمایی نوێ لەبارەی پرۆسەی عومرە بڵاودەکاتەوە و ڕایدەگەیێنێت، دەبێت سەرجەم کۆمپانیاکان مۆڵەتی فەرمیان هەبێت.

 

وێنە گەورەکە: بەگوێرەی ڕێنماییەکان ڕێکخستی گەشتی عومرە به‌ هه‌ردوو ڕێگه‌ی ئاسمانی و وشكانی‌ لەدوای 21-07-2024 دەستپێدەکات، هه‌ر كۆمپانیایه‌ک پێش ئه‌م ڕێککەوتە ده‌ست به‌ گواستنه‌وه‌ی عومره‌كاران بکات، بە سه‌رپێچی دادەنرێت.

 

لێدوانی فەرمی: کاروان ستوونی، گوتەبێژی حەج و عومرەی هەرێمی کوردستان بە ئاڤا نیوزی گوت، به‌ مه‌به‌ستی ڕێكخستنی زیاتر و خزمه‌تكردنی باشتر بۆ عومره‌كاران، بۆ ئه‌مساڵ به‌ پلانێكی تازەمان داڕشتووه‌ بۆ به‌ره‌وپێشبردنی پرۆسه‌ی عومره‌ و سه‌ له‌نوێ پڕۆسەی گرێبه‌ست له‌گه‌ڵ كۆمپانیاكانی عومره ده‌ستپێده‌كاته‌وه‌‌.

 

گۆشەیەکی دیکەی دیمەنەکە: ئەمساڵ 30 حاجیی هەرێمی کوردستان لە سعودیە گیانیان لەدەستداوە، کە  29 حاجییان ئەوانە بوون بە ڤیزای گەشتیاریی چووبوونە ئەو وڵاتە.