ئەمڕۆ سەرۆک بارزانی 11 کۆبوونەوە و دیداری دەبێت

ئاڤا نیوز

 

کاروانی دیدار و کۆبوونەوکانی سەرۆک بارزانی بۆ چارەسەرکردنی کێشە نێوخۆیی و دەرەکییەکان لە بەغدا بەردەوامە، ئەمڕۆش زنجیرەیەک کۆبوونەوە دەکات.

 

وێنە گەورەکە: سەرۆک بارزانی دوو ڕۆژە لە بەغدایە و لە نۆ کۆبوونەوەی ڕۆژی یەکەمیدا لەگەڵ سەرۆکوەزیران و بەشێک لە سەرکردەکانی عێراق جەختی لە چارەسەرکردنی کێشەکانی نێوان بەغدا و هەولێر  کردەوە.

 

ئەوەی پێویستە بیزانیت: ئەمڕۆ سەرۆک بارزانی 11 دیدار و کۆبوونەوە لە بەغدا دەکات، یەکەم کۆبونەوەشی لەگەڵ موحسین مەندەلاوی، سەرۆکی پەرلەمانی عێراق بەوەکالەت دەستپێدەکات و دوا کۆبوونەوەشی  د.لەتیف ڕەشید، سەرۆککۆماری عێراق دەبێت.

خشتەی دیدار و کۆبوونەوەکانی بەمشێوەیە دەبێت:

 

- کاتژمێر 09:00ی بەیانی لەگەڵ موحسین مەندەلاوی، سەرۆکی ئەنجوومەنی نوێنەرانی عێراق بەوەکالەت کۆدەبێتەوە.

- کاتژمێر 09:30ی بەیانی کۆبوونەوەی لەگەڵ ئەسعەد عیدانی، پارێزگاری بەسرە دەبێت.

- کاتژمێر 10:00ی بەیانی کۆبوونەوەی لەگەڵ باڵیۆزی سێ وڵاتی عەرەبی دەبێت: تاڕق عەبدوڵڵا، باڵیۆزی کوێت، سوڵتان موبارەک، باڵیۆزی قەتەر، وەلید محەممەد, باڵیۆزی میسر.

- کاتژمێر 12:20ی نیوەڕۆ لە ماڵی خەمیس خەنجەر، سەرۆکی هاوپەیمانیی سیادە لەگەڵ لایەنەکانی سوننە کۆدەبێتەوە.

- کاتژمێر 04:00ی دوانیوەڕۆ لەگەڵ محەممەد کازم، باڵیۆزی ئێران لە عێراق کۆدەبێتەوە.

- کاتژمێر 04:20ی دوانیوەڕۆ لەگەڵ ئێوارە ئانل بۆڕا ئینا؛ باڵیۆزی نوێی تورکیا لە عێراق کۆدەبێتەوە.

- کاتژمێر 04:40ی دوانیوەڕۆ لەگەڵ محەممەد حەلبووسی، سەرۆکی هاوپەیمانی تەقەدوم کۆدەبێتەوە.

- کاتژمێر 07:00ی ئێوارە لە کۆشکی سەرۆکایەتی کۆمار بە ئامادەبوونی سەرۆککۆماری عێراق  و سەرۆکی ئەنجوومەنی نوێنەرانی عێراق و ژمارەیەک سەرکردەی سیاسیی خوانی ئێوارە دەخۆن و کۆتایی بە سەردانە دوو ڕۆژییەکەی دەهێنێت.

 

باکگراوند: دوێنێ چوارشەممە 3-7-2024، بەمەبەستی چارەسەرکردنی کێشە هەڵپەسێنراوەکانی نێوان هەولێر و بەغدا، سەرۆک بارزانی بە سەردانێکی فەرمی گەیشتە بەغدا و لەلایەن بەرپرسە باڵاکان پێشوازیی لێکرا.