ئەردۆغان داوای ئاگربەست لە نێوان  ڕووسیا و  ئۆکراینا دەکات

ئاڤا نیوز

ڕەجەب تەیب ئەردۆغان، سەرۆککۆماری تورکیا و ڤلادمیر پووتین، سەرۆکی ڕووسیا، لە لووتکەی ئەستانە داوای  ئاگربەستی لەگەڵ ئۆکراینا لە پووتین کردووە.
 
بۆچی گرنگە: تورکیا دەیەوێت ڕۆڵی نێوندگیر ببینێت لە شەڕی نێوان ئۆكراینا و ڕووسیا کە نزیکەی دوو ساڵ و نیوە هەڵگیرساوە.

وێنە گەورەکە: ئەردۆغان و پووتین لە میانی 24ـەمین لووتکەی وڵاتانی ئەندام لە ڕێکخراوی هاریکاری شەنگەهای لە ئەستانەی پایتەختی کازاخستان کۆبوونەوە و باسیان لە ڕووبەڕووبوونەوەی "تیرۆر" لە سووریا، شەڕی غەززە و ئیسرائیل، دوایین پێشهاتەکانی شەڕی لوبنان و حەماس و مەترسییەکانی بۆ سەر ناوچەکە کرد.

 بابەتە ستراتیژییەکە: ئەردۆغان جەختی لە ڕۆڵی تورکیا کردووە وەک نێوەندگیر لە شەڕی ئۆکڕاینا و ڕووسیا، داوای ڕاگەیاندنی ئاگربەست و زەمینەسازی بۆ ئاشتەوایی لە نێوان هەردوو وڵات کرد بە جۆرێک مەرجەکان لە بەرژەوەندی هەموو لایەکدا بن.

 ئەمەش بزانە: دروستکردنی" ناوچەی تیرۆرستان" لە سووریا و پێکەوە کارکردن بۆ لاوازکردنیان لە داوکارییەکانی تورکیا بوو بۆ ڕووسیا.

بۆچوونی بەرامبەر: دیمیتری پیسکۆف، گوتەبێژی کۆشکی کرێملین ڕایگەیاند، ئەردۆغان ناتوانێت ڕۆڵی نێوەندگیر لە نێوان ڕووسیا و ئۆکراینا بگێڕێت.